Dende A Coruña (173 km), Santiago de Compostela (102 km) e Pontevedra (45 km)
A-9 ou N-550 dirección Vigo. Unha vez en Vigo, tómase a PO-330 ate Vincios, onde un desvío cara á esquerda permite chegar directamente ate Gondomar pola PO-351. Tamén se pode coller a estrada da costa, a C-550, que enlaza pasando A Ramallosa coa PO-351, estrada que conduce a Gondomar de camiño ao Seixo.
Dende Vigo (23 km)
Danse varias posibilidades para chegar dende Vigo ate Gondomar. A máis directa é tomar a PO-330, que enlaza en Vincios coa PO-351; aínda que tamén se pode ir seguindo a costa pola C-550 dirección Baiona ate chegar á Ramallosa, onde se colle cara á esquerda á PO-351 dirección ao Seixo.
Dende Tui (34 km)
A PO-340, na saída norte de Tui, conflúe a uns 10 km coa PO-341, que conduce a Gondomar. Para os chegados de Portugal a través da E-1, hai unha saída en Randufe que enlaza coa PO-340 e logo coa PO-341.
Dende Lugo (194 km) e Ourense (106 km)
Dende Lugo chégase directamente a Ourense pola N-540. Unha vez en Ourense tómase a autovía A-52 dirección Vigo ate O Porriño, onde enlaza coa PO-331, que hai que coller dirección Vincios e Gondomar.
Aeroporto máis próximo: Peinador, Vigo, a 22 km
